كله سلطة بحب اكل كل انواع السلطة بس بكره أي انواع السلطة اللي مش بتتاكل فاكرين لعبة المنديل؟ كله ليه رقم و يقابله منافس بنفس الرقم منافسة شريفة (بلاش كلام كبير دي حتة لعبة) حاضر..بس أول ما الحكم يصرخ سلطة..كله لخباطيطه..المهم كنت بكره السلطة دي..ما كنتش اعرف ان الدنيا ما هي الا طبق سلطة كبير من النوع اللي بكرهه اخر حاجة..ممكن تلاقي السلطة في البلوج ده واخده أكتر من تشكيل..مرة س مفتوحه مع ل مفتوحة ما احنا في عصر الفضائيات..مرة س مضمومة مع ل ساكنة ..لخبطة يعني و انا حرة... مش قلتلكم..سلطة